Fivoriana Masina omba-pifadian-kanina sy fibebahana
- « Ary amin'ny andro fahafolo amin'izany volana fahafito izany (dia ny andro fanavotana) hisy fivoriana masina ho anareo; ary hampahory ny tenanareo ianareo. » (Lev 23:27)
- « Ho tena andro fitsaharana ho anareo izany, ary hampahory ny tenanareo ianareo; amin'ny andro fahasivy amin'ny volana, rehefa hariva dia hatramin'ny hariva ka hatramin'ny ampitso hariva no hitandremanareo ny andro fitsaharanareo. » (Lev 23:32)
Fifonan’ny mpisorona sy ho an’ny
ankohonany
« Ary hampanatonin'i Arona ny
vantotr'ombilahy, izay hatao fanatitra noho ny ota ho an'ny tenany, ka dia
hanao fanavotana ho azy sy ny ankohonany izy, dia hovonoiny ny
vantotr'ombilahy, izay hatao fanatitra noho ny ota ho an'ny tenany. » (Lev
16:11)
Ran’ny osilahy an’i Jehovah
« Ary ny fiangonan'ny Zanak'Isiraely, dia
handraisany osilahy roa hatao fanatitra noho ny ota sy ondrilahy izay hatao
fanatitra dorana. » (Lev 16:5)
« Ary hampanatonin'i Arona ny osilahy izay
niharan'ny filokana ho an'i Jehovah ka hataony fanatitra noho ny ota. »
(Lev 16:9)
Fandroahana ny osilahy an’i Azazela
« Fa ny osilahy izay niharan'ny filokana ho
an'i Azazela kosa dia hapetraka velona eo anatrehan'i Jehovah hanaovana
fanavotana ho azy, mba handefasana azy hankany an-efitra ho an'i
Azazela. » (Lev 16:10)