Fivoriana masina sy “Deliverance”
Ny amin'ny namatorana an'i Satana, sy ny amin'ny
fitsanganana voalohany, ary ny arivo taona
- « Ary hitako fa, indro, nisy anjely nidina avy tany an-danitra, nanana ny fanalahidin'ny lavaka tsy hita noanoa sy gadra lehibe eny an-tànany; » (Apo 20:1)
- « dia nisambotra ilay dragona izy (dia ilay menarana ela, ny devoly sy Satana izany) ka namatotra azy arivo taona, » (Apo 20:2)
- « dia nanipy azy ho amin'ny lavaka tsy hita noanoa ka nanidy izany, dia nanisy tombo-kase teo amboniny, mba tsy hamitahany ny firenena maro intsony mandra-pahatapitry ny arivo taona; ary rehefa afaka izany, dia tsy maintsy hovahana kelikely aloha izy. » (Apo 20:3)
Dingana voalohany
Miantso fivoriana masina sy fibebahana ombam-pifadian-kanina 24 ora, ho an’ny fiangonana rehetra mihoatra ny 10 taona, na lahy na
vavy, na antitra na tanora.
Fivavahana ombam-panetre-tena sy fifonana noho ny fahotana rehetra
natao; fibebahana ombam-panomezan-toky hialana amin’ny ratsy fanao.
Ao anatin’ny fanetre-tena ny
fankatoavana ny fepetra rehetra andidiana ny fiangonana, na dia tsy mbola
takatry ny saina aza ny heviny (ohatra: akanjo fotsy sy manga).
Dingana faharoa
Amin’izao androntsika izao
Ny mpisorona manao fanavotana ho an’ny tenany sy ny ankohonany
Mandritry ny litorjia, ny loholona rehetra, sy ny diakona, afa-tsy
izay nanatanteraka ny fisoronana, dia miara-mipetraka amin’ny fiangonana fa tsy
miavaka eny aloha akaikin’ny polipitra; tsy manao ny akanjo pastoraly, ho mariky ny fanetretena sy
fanekena ny fitsipika navoakan’ny mpitondra. Ny rehetra dia
mangatam-pamelan-keloka sy mibebaka, ary mifamela heloka sy mifady hanina toy
fiangonana manontolo.
Araka ny Tenin’ Andriamanitra tokoa, mialoha ny hanaovany fanavotana ho
an’ny olon-drehetra, dia manao izany ho an’ny tenany sy ny ankohonany ny
mpisorona, mba tsy hahazo azy ny tenin’i Jesosy manao hoe: « Ry
mpihatsaravelatsihy, esory aloha ny andry eo amin'ny masonao, ary amin'izay vao
ho hitanao tsara ny hanesoranao ny sombin-kazo eo amin'ny mason'ny
rahalahinao. » (Mat 7:5).
Mpisorona rehetra manamasin-tena sy mendrika hanao
ny fanompoana an’Andriamanitra no manatanteraka ny fanaovam-panavotana ho an’ny
olona (Lev 16:6), satria misolo an’i Kristy izy, ary koa olom-boafidin’ Andriamanitra
sy fanjakam-pisorona ary firenena masina ho an’i Jehovah; ary toy izany koa ny
ankohonany.
Ny fanamasinan-tena ataony dia manatanteraka ny
dingana efatra ho an’ny tenany sy ny ankohonany izy. Ny fanapahana ozona tsy
maintsy ataony dia hamarinin’ireto tenin’Andriamanitra ireto:
Eks 20: 4-5 « Aza manao sarin-javatra
voasokitra ho anao, na ny mety ho endriky ny zavatra izay eny amin'ny lanitra
ambony, na izay ety amin'ny tany ambany, na izay any amin'ny rano ambanin'ny
tany. » (Eks 20:4)
« Aza miankohoka eo anatrehany, ary aza manompo azy;
fa Izaho, Jehovah Andriamanitrao, dia Andriamanitra saro-piaro ka mamaly
ny heloky ny ray amin'ny zanaka hatramin'ny zafiafy sy ny zafindohalika, dia
amin'izay mankahala Ahy; » (Eks 20:5).
Ravao ny tsangam-baton-tsampy
|
Ravao
ny sampin’ny razana (Mpitsara 6: 25)
Tsy fanapotehana ara-bakiteny intsony no atao fa
araka izay nanomezan’i Jehovah azy ny Fiangonana FAM, dia ny “fandravana
amin’ny alalan’ny vavaka sy fanondroana ary fanosorana azy amin’ny ran’i Jesosy
Kristy, Ilay maty sy nilevina ary nitsangana araka ny soratra Masina”.
- Ifony ny helokareo sy ny an’ny razanareo dia hatsahatr’i Jehovah ny ozona namelezany anareo hatrany amin’ny taranaka fahefatra (Lev 26: 40-42; Dan 9: 16; Neh 9: 2).
- Tapaho ny ozona noho ny fahadisoan’ny razana sy ny fahotany fa hamindra fo aminao Jehovah ary tsy ho tsarovany intsony ny fahotanao (Eks 20: 4-5; Isa 43: 25; Fit 5: 1-8; Heb 8: 12; 10: 17; Sal 79:8; Jer 14:20).
Fit 5:7: « Nanota ny razanay; tsy ety
intsony izy; ary izahay no mivesatra ny helony. »
« Tompo ô, mifona
aminao aho, araka ny fahamarinanao rehetra, aoka re hionona ny fahatezeranao sy
ny fahaviniranao amin'i Jerosalema tanànanao, tendrombohitrao masina, fa ny
helokay sy ny fahotan'ny razanay no nahatonga an'i Jerosalema sy ny olonao ho
latsa amin'izay rehetra manodidina anay. » (Dan 9:16)
Dingana fahatelo
Fahatokiana ny famonjen’i Jesosy Kristy
Ohatra: Nahasitranan’ilay vehivavy narary efa
ela; noho ny finoany ka nanendry ny somotraviavin-damban’i Jesosy (Mat 9:20-22).
- Ho an’ny fiangonana, dia ny fahatokiana sy fankatoavana ny famonjena nataon’i Jesosy Kristy tamin’ny nanolorany ny rany sy ny ainy teo ambony hazo fijaliana no antoka.
- Fanolorana ny vavaka rehetra amin’ny anaran’i Jesosy Kristy maty sy nilevina ary nitsangana tamin’ny andro fahatelo araka ny Soratra Masina.
« Ary ny anarany no nampahatanjaka io lehilahy hitanareo sy
fantatrareo io noho ny finoana ny anarany; eny, ny finoana izay azo amin'ny
alalany no nahazoany izao fahasitranana tsara eto imasonareo rehetra
izao. » (Asa 3:16)
« Izy no ambaran'ny mpaminany rehetra, fa
amin'ny anarany no hahazoan'izay rehetra mino Azy famelan-keloka. » (Asa
10:43)
« Ary ankehitriny inona no mampijanona
anao? Mitsangàna, miantsoa ny anarany, ary aoka hatao batisa ianao ka hosasana
ho afaka amin'ny fahotanao. » (Asa 22:16)
Dingana fahefatra
Fandroahana an’i Satana hanalavitra ny toerana masin’
Andriamanitra sy ny fiainan’ny olona (Délivrance).
· Amin’ny fotoan’ny
Fanjakana arivo toana: dia fanidiana an’i Satana any amin’ny lavaka tsy
hita noanoa, mba tsy hamitahany ny firenena intsony (Apo 20:1-3).
· Amin’izao
androntsika izao:
Ny ohatra amin’ny fanavotana dia ny nanasitranan’i Jesosy ilay lehilahy
azon’ny demonia tany amin'ny tanin'ny Gerasena izay tandrifin'i Galilia.
Mila miambina ny olona efa nanaovam-panavotana mba tsy ho voafitak’i
Satana, sy ho lavo amin’ny fahotana efa nanadiovana azy intsony; toy izany no
nataon’i Davida mpanjaka (Sal. 32:5, 51:4, 10; Levitikosy 16:7-10, 15-16,
29-30).
Tari-dalana ho fanatanterahana ny fanavotana na“délivrance”
a. Noho ny fanekeny tamin’i
Abrahama sy Isaka ary Jakoba, Jehovah dia nanafaka faobe (délivrance faobe) ny
Isiraely tamin’ny fahandevozany tany Egypta.
b. Nanome
didy sy fitsipika an-tsipiriany tsy maintsy tandremana Jehovah na dia nanafaka
faobe tamin’ny fahandevozana aza.
c. Nafahin’Andriamanitra
faobe tamin’ny ota sy ny tambiny isika tamin’ny nahafatesan’i Jesosy Kristy.
Ireto manaraka ireto kosa ny fitsipika an-tsipiriany handraisana ny
vokatr’izany fanafahana faobe izany (Andraikitra takina amin’ny Kristiana):
i. Mila
mankatò izany famonjena izany isika;
ii. Mila
mahafatatra tsara Ilay Mpamonjy;
iii. Mila
maharitra amin’ny fahamasinana sy toe-panahy araka an’Andriamanitra;
iv. Esory
ny masirasira ela araka izay tsy maha-misy masirasira anareo, fa voavono
Kristy, Paska ho antsika;
v. Esory
ny fireharehana, ny lolompo, ny fialonana, ny fitsiriritana, ny faharatsiana
rehetra;
vi. Manàna
fahadiovam-po sy fahamarinana ;
vii. Aza
mijangajanga, na dia ao am-po ihany aza;
viii. Manàna
fahamoram-panahy sy fahalemem-panahy;
ix. Manaova
soa ;
x. Manàna
fahononam-po ;
xi. Mandehana
araka ny Fanahy mba ho velon’ny Fanahy;
xii. Aza
avela hanjaka aminareo intsony ny ota.
d. Voasoratra hoe: Ny lalàna dia
mpitaiza antsika ho amin'i Kristy, mba hohamarinina noho ny finoana
isika. » (Gal 3:24). Fa
rehefa tonga ny finoana, dia tsy fehezin'izay mpitaiza intsony isika. »
(Gal 3:25).
i. Nefa
fantatrao tsara sy iainanao ve ny finoana nampianarin’ny lalàna anao?
ii. Ohatra:
Fantatrao ve fa ny lalàna dia nampianatra haharitra amin’ny fahamasinana rehefa
nafahina tamin’ny ota? (Fihinanana Mofo tsy Misy Masirasira fito andro =
Maharitra amin’ny fifadiana ny ota). Noho izany,
1. Moa ve
mifady ny ota farafaharatsiny fito andro hianao :
a. Rehefa
vita ny batisa?
b. Rehefa
vita ny fanasan’ny Tompo?
c. Rehefa
vita ny Sabata?
2. Sa
miverina amin’ny fanao isan’andro, fa hadino ny fanafahana?
3. Ny fifadian-kanina dia
atao miaraka amin’ny fifadiana ny ota sy fandinihana Soratra Masina,
fa tsy fiaretana hanoanana fotsiny !
e. Nafahin’Andriamanitra
faobe tamin’ny finoan-diso nisy antsika taloha isika, dia ny finoana an'i
Jesosy maty Zoma nitsangana Alahady, izay maty tsy araka ny Soratra Masina.
i. Fomba
maro samy hafa no nanafahany antsika:
1. Fahasitranana
tamin’ny aretina
2. Fahafahana
tamin’ny loza
3. Fahafahana
tamin’ny fatorana samihafa, toy ny toaka, sigara, fahazaran-dratsy
isan-karazany, ny fonja, ets.
4. Fanafahana
tamin’ny olana samy hafa
5. Faharesen-dahatra
tamin’ny fampianarana.
6. Fitahiana
maro isan-karazany, ets.
ii. Rehefa
tonga ato amin’ny Fiangonan’Andriamanitra Miray ary, dia izao
no tsy maintsy atao mba hahazoam-bokatra amin’ny fanafahana faobe:
1. Mianara ny
an-tsipirian’ny didin’Andriamanitra toy izay tsy maintsy nataon’ny Isiraely
2. Aza
manadino an’Andriamanitra izay nanafaka anao tamin’ny loza sy ny olana ary ny
aretina
3. Mazotoa
amin’ny asa fanompoana sy fampiorenana ny finoana
4. Mamonje
vondrom-bavaka
5. Manaova
asa fampandrosoana ny fiangonana
6. Mandraisa
adidy amin’ny fitiavana ny namana
7. Mianara ny
sitrapon’Andriamanitra
8. Tapaho ny ozona hahatanteraka ny fanafahana : « délivrance » amin’ ny antsipiriany fa tsy mionona amin’ny délivrance faobe
9. Aza manota
intsony ary diovy ny tenanao ho afaka amin’ny tsy fahamarinana rehetra
10. Katsaho aloha ny
fanjakan’Andriamanitra sy ny fahamarinany
Izay maharitra amin’ny fitandremana ny
didin’Andriamanitra sy ny filazana an’i Jesosy Kristy Ilay marina no masina sy
mahazo ny fiainana mandrakizay, AMENA!
· Tsy manao fanatitra biby intsony
Ny fibebahana amin’ny fo torotoro sy mangorkoraka ary ny fiderana
an’Andriamanitra sy ny fanaovan-tsoa sy fiantrana no fanatitra
ankasitrahan’i Jehovah. (Heb. 13: 15-16). Io fanatitra ankasitrahan’i
Jehovah io dia fanamafisana fa foana ny finoana tsy misy asa (Jakoba
2:14-26). Ny ran’ondrilahy sy osilahy ary ombilahy dia soloin’ny finoana
sy fankatoavany ny fanati-panavotana sy fampihavanana nataon’i Jesosy Kristy
tamin’ny tenany sy ny ràny.
Fibebahana sy
fanoloran-tena hatao batisa ary fandraisana ny Fanahy
Masina ho tombo-kase no vokatr’izany ho an’ny olona.
- Tena ilaina ny fandravana ny sampy rehetra sy ny fialana amin’ny ratsy fanao ary ny fiverenana tanteraka amin’i Jehovah sy amin’ny fitiavana voalohany
- Ny fandravana sampy no fanapahana ny fifandraisana nataontsika tamin’ny devoly fony mbola nanompo sampy isika na ireo razantsika.
- Mila manohitra ny devoly hatrany hatrany isika hampandositra azy.