« Ary Jehovah niteny tamin'i Mosesy ka nanao
hoe: » (Lev 23:23) « Mitenena amin'ny Zanak'Isiraely hoe: Ny andro voalohany
amin'ny volana fahafito dia ho andro fitsaharana ho anareo, dia fahatsiarovana
amin'ny fitsofana trompetra, ho fivoriana masina. » (Lev
23:24) « Aza manao tao-zavatra akory; … » (Lev 23:25)
Sabata fitsaharana isan-taona no dikan’ny hoe: « Aza manao taozavatra
akory », sady “Fivoviana Masina” (Andro Fivavahana).
- Nisy
trompetra vola-fotsy roa nampanamboarin’ Andriamanitra an’i Mosesy
tamin’ny andro nandehanan’ny Zanak’Isiraely tany an’efitra: ho fiantsoana
ny fiangonana sy ho fampiaingana ny toby. (Nom
10: 1-2, 10: 8)
- Ho fampitairana handeha hiady koa no itsofana ny trompetra, na koa ho tsofina any am-piadiana araka izay ibaikoan’i Jehovah azy (Nom 10: 9-10, 31:6).
- Ampanenoina amin’ny androm-pifaliana koa
ny trompetra (2 Mpan 11: 14; 1 Tantara 13: 8).
- Tsofina teo anoloan’ny
fiaran’i Jehovah ny trompetra rehefa afindra io (1 Tan 15: 24,
28)
- Rehefa manao hira fiderana ho an’i Jehovah koa dia tsofina ny
trompetra. (Sal 81:1-4).
- Vakio: 2 Tan 5: 12-13 ; 7:6 ; 13: 12, 14 ; 15 : 28 ; 29 : 26-28 ; Ezr 3: 10 ; Neh 12: 35, 41 ; Sal 98: 6.
Tsofina ny trompetra ho fiantsoana ny fiangonana sy ho fampiaingana ny toby. (Nom 10: 1-2, 10: 8)
[Ny trompetra volafotsy]« Ary Jehovah niteny tamin'i Mosesy ka nanao hoe: » (Nom
10:1) « Manaova trompetra volafotsy roa ho anao; voasana no hanaovanao
azy; dia ho fiantsoanao ny fiangonana sy ho fampiainganao ny toby ireo. »
(Nom 10:2) « Ary ireo mpisorona, zanak'i Arona, no hitsoka ny trompetra;
dia ho lalàna mandrakizay ho anareo hatramin'ny taranakareo fara mandimby
izany. » (Nom 10:8)
Fotoan’ady lehibe eto an-tany amin’ny fiverenan’i Jesosy Kristy
« Ary nipetraka teo an-tendrombohitra Oliva Izy, dia nanatona Azy
mangingina ny mpianany ka nanao hoe: Lazao aminay izay andro
haha-tongavan'izany, ary izay ho famantarana ny fihavianao sy ny
fahataperan'izao tontolo izao. » (Mat 24:3)
« Ary handre ady sy filazana ady ianareo; koa mitandrema, aza
matahotra; fa tsy maintsy ho tonga izany; nefa tsy mbola tonga ny
farany. » (Mat 24:6)
« Fa hisy firenena hitsangana hamely
firenena, ary hisy fanjakana hitsangana hamely fanjakana; ary hisy mosary sy
horohorontany amin'ny tany samy hafa. » (Mat 24:7)
« Fa izany rehetra izany no fiandohan'ny
fahoriana*.[*Gr. faharariam-piterahana; izahao 19. 28] » (Mat 24:8)
« Dia tahaka izany koa ianareo, raha vao
hitanareo fa tonga izany zavatra izany, dia aoka ho fantatrareo fa akaiky ny
fanjakan'Andriamanitra. » (Lio 21:31)
[Ny namahana ny tombo-kase fahafito, sy ny
nitsofana ny trompetra efatra] « Ary rehefa novahany ny tombo-kase fahafito, dia nangina tokony ho
antsasaky ny ora ny tany an-danitra. » (Apo 8:1) « Ary hitako ny
anjely fito izay mitsangana eo anatrehan' Andriamanitra; ary nomena trompetra
fito ireo. » (Apo 8:2)
« Ary ny anjely fito izay nanana ny trompetra
fito dia niomana hitsoka. » (Apo 8:6)
« Ary raha
tsy efa nohafohezina izany andro izany, dia tsy nisy nofo hovonjena; fa noho ny
olom-boafidy dia hohafohezina izany andro izany. » (Mat 24:22)